Kurti u mirëprit nga bashkatdhetarë në Qendrën “Nëna Terezë” në Hartsdale, New York

23:06 | 28 Shtator 2025
E.H

Kryeministri në detyrë, Albin Kurti, bashkë me zëvendësministren në detyrë të Punëve të Jashtme dhe Diasporës, Liza Gashi dhe konsullin e përgjithshëm të Kosovës në New York, ambasador Blerim Reka, u mirëpritën nga bashkatdhetarë në Qendrën “Nëna Terezë” në Hartsdale të New York-ut, ku takoi shqiptarë nga të gjitha trevat dhe pjesëtarë aktivë të diasporës sonë, e cila ka dhënë shumë për popullin shqiptar dhe për popullin amerikan.

Ai i falënderoi të gjithë për mikpritjen e përzemërt dhe për angazhimin e tyre të vazhdueshëm në promovimin e lidhjeve ndërmjet dy popujve dhe vendeve tona.

Kryeministri fillimisht mori pjesë në meshën e së dielës në Kishën Katolike Shqiptare “Zoja e Shkodrës” në Hartsdale. Aty u mirëprit nga Dom Pjetër Popaj, të cilin e falënderoi për shërbesën dhe mikpritjen./Arbresh.info